mai-kashon mein mai-kahsi masti mein mastana rahe

mai-kashoñ meñ mai-kahsī mastī meñ mastāna rahe

ham bhī hoñ saaqī bhī ho aur daur-e-paimāna rahe

shama' raushan kī tarah vo shams tābāna rahe

us kī sūrat par ye 'ālam kyuuñ na parvāna rahe

’umr-bhar dekhā karūñ us sūrat-e-zebā ko maiñ

sāmne yā rab mere vo be-hijābāna rahe

bañdh gayā jis ko tasavvur zulf-e-’ambar kā surī

sajda-e-mehrāb-e-ḳham-e-abrū-e-jānāna rahe

sar pe 'miskīñ' ke rahe paimāna ḳhvāja kā mudām

hashr tak ābād ḳhvāja terā mai-ḳhāna rahe

mai-kashon mein mai-kahsi masti mein mastana rahe

hum bhi hon saqi bhi ho aur daur-e-paimana rahe

shama' raushan ki tarah wo shams tabana rahe

us ki surat par ye 'alam kyun na parwana rahe

’umr-bhar dekha karun us surat-e-zeba ko main

samne ya rab mere wo be-hijabana rahe

bandh gaya jis ko tasawwur zulf-e-’ambar ka suri

sajda-e-mehrab-e-KHam-e-abru-e-jaanana rahe

sar pe 'miskin' ke rahe paimana KHwaja ka mudam

hashr tak aabaad KHwaja tera mai-KHana rahe