میکشوں میں میکشی مستی میں مستانہ رہے

میکشوں میں میکشی مستی میں مستانہ رہے

ہم بھی ہوں ساقی بھی ہو اور دور پیمانہ رہے

شمع روشن کی طرح وہ شمس تابانہ رہے

اس کی صورت پر یہ عالم کیوں نہ پروانہ رہے

عمر بھر دیکھا کروں اس صورتِ زیبا کو میں

سامنے یا رب میرے وہ بے حجابانہ رہے

بندھ گیا جس کو تصور زلف عنبر کا ثری

سجدہ محرابِ خم ابروئے جانانہ رہے

سر پہ مسکیںؔ کے رہے پیمانہ خواجہ کا مدام

حشر تک آباد خواجہ تیرا میخانہ رہے