kahiye kahiye aapko kya banda-parwar chahiye

kahiye kahiye aap ko kyā banda-parvar chāhiye

dil kī ḳhvāhish hai jigar kaisā hai yā sar chāhiye

qāsid-e-shauq-e-darūñ le jā.egā naama mirā

paik kī hājat hai mujh ko ne kabūtar chāhiye

rāt-din kī kūcha-gardī se to kuchh hāsil nahīñ

gardisheñ jis meñ na hoñ aisā muqaddar chāhiye

'ishq meñ sahrā-navardī ne kī hai iḳhtiyār

ab havas takiya kī hai mujh ko bistar chāhiye

sun ke 'arz-e-mudda'ā do shauq se tum gāliyāñ

maiñ kahte jā.ūñgā haañ qand-e-mukarrar chāhiye

hijr kī shab ai ḳhudā bas hai yahī merī du'ā

is añdherī raat meñ vo māh-e-paikar chāhiye

muḳhtasar bhī jo likho hamdam fasāna hijr kā

kam se kam is ke liye bhī ek daftar chāhiye

kahiye kahiye aap ko kya banda-parwar chahiye

dil ki KHwahish hai jigar kaisa hai ya sar chahiye

qasid-e-shauq-e-darun le jaega nama mera

paik ki hajat hai mujh ko ne kabutar chahiye

raat-din ki kucha-gardi se to kuchh hasil nahin

gardishen jis mein na hon aisa muqaddar chahiye

'ishq mein sahra-nawardi ne ki hai iKHtiyar

ab hawas takiya ki hai mujh ko bistar chahiye

sun ke 'arz-e-mudda'a do shauq se tum galiyan

main kahte jaunga han qand-e-mukarrar chahiye

hijr ki shab ai KHuda bas hai yahi meri du'a

is andheri raat mein wo mah-e-paikar chahiye

muKHtasar bhi jo likho hamdam fasana hijr ka

kam se kam is ke liye bhi ek daftar chahiye