raat hum us but ke qadmon par jo sar dharne lage

raat ham us but ke qadmoñ par jo sar dharne lage

hañs ke bolā jo na karnā thā so tum karne lage

nā-sahv hai ḳhair kal to ham ko karte the mana'

aaj us kī 'āshiqī kā tum bhī dam bharne lage

ye to ham kyuuñ kar kaheñ kuchh bhī na thā īmā-e-yār

ham se nāhaq us ke aage mudda'ī laḌne lage

'ishq meñ kyā jāniye kyuuñ ho gayā ye haul-e-dil

jis se kuchh ḳhatra nahīñ thā us se bhī Darne lage

jab meñ kahtā huuñ mire ghar chaliye tab kahtā hai yaar

tum to ab kuchh muñh lagāne se bahut baḌhne lage

raat hum us but ke qadmon par jo sar dharne lage

hans ke bola jo na karna tha so tum karne lage

na-sahw hai KHair kal to hum ko karte the mana'

aaj us ki 'ashiqi ka tum bhi dam bharne lage

ye to hum kyun kar kahen kuchh bhi na tha ima-e-yar

hum se nahaq us ke aage mudda'i laDne lage

'ishq mein kya jaaniye kyun ho gaya ye haul-e-dil

jis se kuchh KHatra nahin tha us se bhi Darne lage

jab mein kahta hun mere ghar chaliye tab kahta hai yar

tum to ab kuchh munh lagane se bahut baDhne lage