adam se kis liye hun are nadan pardesi

'adam se kis liye huuñ are nādān pardesī

bharosa kyā hai duniyā kā are nādān pardesī

ye kyuuñ Daale haiñ Dere kis liye ye chhāvnī hai chhā.ī

musāfir hai tū do din kā are nādān pardesī

kahāñ se huuñ jaatā hai kahāñ ek baat suntā jā

yahāñ par bhī kabhī aanā are nādān pardesī

kiye sāmān kyā kyā chand roza zindagānī par

ye sab rah jā.egā jhagḌā are nādān pardesī

na so yuuñ ḳhvāb-e-ġhaflat meñ tamāshā dekh duniyā kā

ki ye do din kā hai mela are nādān pardesī

yahāñ mil-jul ke rah sab se ki milnā hī ġhanīmat hai

tujhe hai ḳhaak meñ milnā are nādān pardesī

'ibādat ke liye huuñ hai bach bahkāne vāloñ se

na khā pardes meñ dhoka are nādān pardesī

bahut le jaate haiñ phal phuul sair-e-bāġh-e-'ālam se

liyā tuune bhī kuchh samra are nādān pardesī

kahāñ daarā kahāñ jamshed sikandar kahāñ 'akbar'

hai sab ko ḳhaak meñ milnā are nādān pardesī

'adam se kis liye hun are nadan pardesi

bharosa kya hai duniya ka are nadan pardesi

ye kyun Dale hain Dere kis liye ye chhawni hai chhai

musafir hai tu do din ka are nadan pardesi

kahan se hun jata hai kahan ek baat sunta ja

yahan par bhi kabhi aana are nadan pardesi

kiye saman kya kya chand roza zindagani par

ye sab rah jaega jhagDa are nadan pardesi

na so yun KHwab-e-ghaflat mein tamasha dekh duniya ka

ki ye do din ka hai mela are nadan pardesi

yahan mil-jul ke rah sab se ki milna hi ghanimat hai

tujhe hai KHak mein milna are nadan pardesi

'ibaadat ke liye hun hai bach bahkane walon se

na kha pardes mein dhoka are nadan pardesi

bahut le jate hain phal phul sair-e-bagh-e-'alam se

liya tune bhi kuchh samra are nadan pardesi

kahan dara kahan jamshed sikandar kahan 'akbar'

hai sab ko KHak mein milna are nadan pardesi