shikwa jo kiya dard ka talwar nikali

shikva jo kiyā dard kā talvār nikālī

ḳhuub us ne davā ai dil-e-bīmār nikālī

kab ham ne kahā tum se ki ā.īna na dekho

ġhusse se jo aañkh aap ne ik baar nikālī

kahte haiñ use zabt ki dil ġham se huā ḳhuun

us ham ne na muñh se kabhī zinhār nikālī

qātil ne kamī kī zarā qatl meñ mere

ḳhālī ga.ī bandūq to talvār nikālī

maiñ naza.a meñ 'iisā ko mire shikva-e-tā'zīm

kis vaqt maiñ kis baat kī takrār nikālī

shikwa jo kiya dard ka talwar nikali

KHub us ne dawa ai dil-e-bimar nikali

kab hum ne kaha tum se ki aaina na dekho

ghusse se jo aankh aap ne ek bar nikali

kahte hain use zabt ki dil gham se hua KHun

us hum ne na munh se kabhi zinhaar nikali

qatil ne kami ki zara qatl mein mere

KHali gai banduq to talwar nikali

main naza mein 'isa ko mere shikwa-e-ta'zim

kis waqt main kis baat ki takrar nikali