ba-hamdillah khula hai nat-goi mein dahan apna

ba-hamdillāh khulā hai nā't-goī meñ dahan apnā

bhalā kyuuñ kar na maqbūl-e-ḳhudā ho har suḳhan apnā

maiñ misl-e-’andalīb-e-zār likhtā dāstān-e-’ishq

nazar aatā jo bāġh-e-dahr meñ ġhuncha-dahan apnā

riyāz-e-nā’t-e-ahmad meñ yahī naġhma-e-bulbul

rahe sarsabz yād-e-gul meñ yā-rab ye chaman apnā

nihāl-e-ārzū apnā ilāhī ye samar laa.e

kare gul-gasht bāġh-e-dil meñ ho gul pairahan apnā

nazākat us gul-e-ḳhūbī meñ ye allāh ne dī hai

vufūr-e-sharm se chehra chhupā le yāsman apnā

gulāb-o-ketakī kevḌā gul-e-nargis bhī qurbāñ ho

tasadduq jān-o-dil kyuuñ kar na kar de nastaran apnā

ziyārat ḳhvāb hī meñ ho jo hāsil aap kī shāhā

mile qadmoñ se muñh jā kar ye 'yūsuf'-e-kHasta-tan apnā

ba-hamdillah khula hai na't-goi mein dahan apna

bhala kyun kar na maqbul-e-KHuda ho har suKHan apna

main misl-e-’andalib-e-zar likhta dastan-e-’ishq

nazar aata jo bagh-e-dahr mein ghuncha-dahan apna

riyaz-e-na’t-e-ahmad mein yahi naghma-e-bulbul

rahe sarsabz yaad-e-gul mein ya-rab ye chaman apna

nihaal-e-arzu apna ilahi ye samar lae

kare gul-gasht bagh-e-dil mein ho gul pairahan apna

nazakat us gul-e-KHubi mein ye allah ne di hai

wufur-e-sharm se chehra chhupa le yasman apna

gulab-o-ketaki kewDa gul-e-nargis bhi qurban ho

tasadduq jaan-o-dil kyun kar na kar de nastaran apna

ziyarat KHwab hi mein ho jo hasil aap ki shaha

mile qadmon se munh ja kar ye 'yusuf'-e-kHasta-tan apna