wo qamat-e-mauzun hai ki sarw-e-chamani hai

vo qāmat-e-mauzūñ hai ki sarv-e-chamanī hai

aur vo tan-e-nāzuk hai ki barg-e-samanī hai

vo surḳhī-e-lab rashk-e-’aqīq-e-yamanī hai

aur vo dur-e-dān hai ki hiire kī kanī hai

'ambar kī tarah jis se jahāñ bas gayā saarā

vo zulf-e-mu'ambar hai ki mushk-e-khutanī hai

ai nūr-e-ḳhudā huuñ maiñ tirī diid kā tālib

muusā kī tarah lab pe jo rabbī-arenī hai

rahmat kī nazar apne gunahgār pe shāhā

tū muttalabī hāshmī makkī madnī hai

tuutī tirā bolā hai vafā nā't-e-nabī meñ

bulbul ne uḌaa.ī tirī shīrīñ suḳhanī hai

wo qamat-e-mauzun hai ki sarw-e-chamani hai

aur wo tan-e-nazuk hai ki barg-e-samani hai

wo surKHi-e-lab rashk-e-’aqiq-e-yamani hai

aur wo dur-e-dan hai ki hire ki kani hai

'ambar ki tarah jis se jahan bas gaya sara

wo zulf-e-mu'ambar hai ki mushk-e-khutani hai

ai nur-e-KHuda hun main teri did ka talib

musa ki tarah lab pe jo rabbi-areni hai

rahmat ki nazar apne gunahgar pe shaha

tu muttalabi hashmi makki madni hai

tuti tera bola hai wafa na't-e-nabi mein

bulbul ne uDai teri shirin suKHani hai