kis se kije ishq koi dilruba milta nahin

kis se kiije 'ishq koī dilrubā miltā nahīñ

aur agar miltā bhī hai to bā vafā miltā nahīñ

zulm ne piisā ho jis ko āsiyā-e-charḳh meñ

ruuh ko kuchh nā'sh kā us kī pata miltā nahīñ

saikaḌoñ but-ḳhāne DhūñDhe aur hazāroñ masjideñ

kyā ġhazab hai vo but-e-kāfir-adā miltā nahīñ

tālib-e-jannat hai ye aur tālib-e-dīdār vo

riñd ko kahte haiñ kyuuñ zāhir ḳhudā miltā nahīñ

ham kahe dete haiñ pachhtāoge ham ko chhoḌ kar

chāhne vaalā hamesha dilrubā miltā nahīñ

lauT kar aane meñ qāsid ke huā 'arsa jo hai

kHāna-e-‘dildār’ kā shāyad pata miltā nahīñ

kis se kije 'ishq koi dilruba milta nahin

aur agar milta bhi hai to ba wafa milta nahin

zulm ne pisa ho jis ko aasiya-e-charKH mein

ruh ko kuchh na'sh ka us ki pata milta nahin

saikaDon but-KHane DhunDhe aur hazaron masjiden

kya ghazab hai wo but-e-kafir-ada milta nahin

talib-e-jannat hai ye aur talib-e-didar wo

rind ko kahte hain kyun zahir KHuda milta nahin

hum kahe dete hain pachhtaoge hum ko chhoD kar

chahne wala hamesha dilruba milta nahin

lauT kar aane mein qasid ke hua 'arsa jo hai

kHana-e-‘dildar’ ka shayad pata milta nahin