ma-siwa-e-umr-e-do-roza yahan kuchh bhi nahin

mā-sivā-e-'umr-e-do-roza yahāñ kuchh bhī nahīñ

ye tuzk ye sāz-o-sāmāñ mehrbāñ kuchh bhī nahīñ

kaise kaise nām-āvar ho ga.e ġharq-e-fanā

naam hī baaqī haiñ un ke aur nishāñ kuchh bhī nahīñ

hai ye duniyā chand roza zindagī misl-e-habāb

kis gumāñ meñ haiñ yahāñ pī-o-javāñ kuchh bhī nahīñ

mil ga.e jamshed-o-kekāvas daarā ḳhaak meñ

vo jalālat vo hasham vo ’izz-o-shāñ kuchh bhī nahīñ

'ālam-e-asbāb se hāsil nahīñ kuchh juz kafan

māl-o-zar meñ hissa-e-ahl-e-jahāñ kuchh bhī nahīñ

pal jhapakne meñ fanā hoñge zamīn-o-āsmāñ

ek din ai ġhāfilo hogā yahāñ kuchh bhī nahīñ

shokat-o-shān-o-shikva-o-hashmat-o-’izz-o-vaqār

zindagī tak haiñ ye sab phir mehrbāñ kuchh bhī nahīñ

hai tū nāzāñ chand roza zindagānī par 'abas

ho fanā jis ko 'zuhūr' us par gumāñ kuchh bhī nahīñ

ma-siwa-e-'umr-e-do-roza yahan kuchh bhi nahin

ye tuzk ye saz-o-saman mehrban kuchh bhi nahin

kaise kaise nam-awar ho gae gharq-e-fana

nam hi baqi hain un ke aur nishan kuchh bhi nahin

hai ye duniya chand roza zindagi misl-e-habab

kis guman mein hain yahan pi-o-jawan kuchh bhi nahin

mil gae jamshed-o-kekawas dara KHak mein

wo jalalat wo hasham wo ’izz-o-shan kuchh bhi nahin

'alam-e-asbab se hasil nahin kuchh juz kafan

mal-o-zar mein hissa-e-ahl-e-jahan kuchh bhi nahin

pal jhapakne mein fana honge zamin-o-asman

ek din ai ghafilo hoga yahan kuchh bhi nahin

shokat-o-shan-o-shikwa-o-hashmat-o-’izz-o-waqar

zindagi tak hain ye sab phir mehrban kuchh bhi nahin

hai tu nazan chand roza zindagani par 'abas

ho fana jis ko 'zuhur' us par guman kuchh bhi nahin