dard jab se wo yar-e-jaani hai

dard jab se vo yār-e-jānī hai

saḳht jaanī se zindagānī hai

bistar-e-ġham se hil nahīñ sakte

nā-tavānī se nā-tavānī hai

dil hai sargarm-e-nāla-o-afġhāñ

chashm-e-masrūf-e-jāñ-fishānī hai

dard hai apne dil meñ saarī raat

aur ġham-e-'ishq kī kahānī hai

jāñ-ba-lab mujh ko dekh kar ai vaa.e

ab to sab kī yahī zabānī hai

hasīn 'āshiq hai ye jo ḳhushk haiñ lab

rañg chehre kā arġhavānī hai

hai ye zāhir ab un ke naqshe se

be-tarah kuchh ġham-e-nihānī hai

hai ye afsos us ne duniyā kā

abhī dekhā hai kyā javānī hai

ashk-e-hasrat sivā qafas meñ aah

na to daana hai aur na paanī hai

tujh ko meñ chhoḌ kar ke chāhūñ

kaun terā jahāñ meñ saanī hai

jāñbalab meñ jo hoñ to ai yaaro

kisī kī mujh pe mehrbānī hai

yahī ġham hai to dekhiyo jur.at

jaan bas koī din meñ jaanī hai

dard jab se wo yar-e-jaani hai

saKHt jaani se zindagani hai

bistar-e-gham se hil nahin sakte

na-tawani se na-tawani hai

dil hai sargarm-e-nala-o-afghan

chashm-e-masruf-e-jaan-fishani hai

dard hai apne dil mein sari raat

aur gham-e-'ishq ki kahani hai

jaan-ba-lab mujh ko dekh kar ai wae

ab to sab ki yahi zabani hai

hasin 'ashiq hai ye jo KHushk hain lab

rang chehre ka arghawani hai

hai ye zahir ab un ke naqshe se

be-tarah kuchh gham-e-nihani hai

hai ye afsos us ne duniya ka

abhi dekha hai kya jawani hai

ashk-e-hasrat siwa qafas mein aah

na to dana hai aur na pani hai

tujh ko mein chhoD kar ke chahun

kaun tera jahan mein sani hai

jaanbalab mein jo hon to ai yaro

kisi ki mujh pe mehrbani hai

yahi gham hai to dekhiyo jurat

jaan bas koi din mein jaani hai