Khaaliq ko jo izhaar-e-payambar nahin hota

ḳhāliq ko jo iz.hār-e-payambar nahīñ hotā

ye naqsha-e-’ālam kabhī zāhir nahīñ hotā

mahbūb agar sāqī-e-kausar nahīñ hotā

’ālam meñ koī mast-o-qalandar nahīñ hotā

yaktā to ḳhudā.ī meñ tujhe haq ne kiyā hai

tum sā koī jahāñ meñ ham-sar nahīñ hotā

tere marīz-e-’ishq ko hotī nahīñ shifā

parvāna koī 'ishq se jāñ-bar nahīñ hotā

'āriz kā tire 'aks na paḌtā jo falak par

tābāñ kabhī ḳhurshīd munavvar nahīñ hotā

duniyā hī meñ gunāh se hote jo sab barī

har fard-e-bashar ke liye mahshar nahīñ hotā

tāhir ḳhayāl-e-dil ko uḌāte har ik yahāñ

par kHāna-e-tauhīd se bāhar nahīñ hotā

taqdīr kā likhā huā miTtā nahīñ 'shāhid'

zaa.id to is se baal barābar nahīñ hotā

KHaliq ko jo izhaar-e-payambar nahin hota

ye naqsha-e-’alam kabhi zahir nahin hota

mahbub agar saqi-e-kausar nahin hota

’alam mein koi mast-o-qalandar nahin hota

yakta to KHudai mein tujhe haq ne kiya hai

tum sa koi jahan mein ham-sar nahin hota

tere mariz-e-’ishq ko hoti nahin shifa

parwana koi 'ishq se jaan-bar nahin hota

'ariz ka tere 'aks na paDta jo falak par

taban kabhi KHurshid munawwar nahin hota

duniya hi mein gunah se hote jo sab bari

har fard-e-bashar ke liye mahshar nahin hota

tahir KHayal-e-dil ko uDate har ek yahan

par kHana-e-tauhid se bahar nahin hota

taqdir ka likha hua miTta nahin 'shahid'

zaid to is se baal barabar nahin hota