kisi ka koi munis hai kisi ka koi chaara hai

kisī kā koī mūnis hai kisī kā koī chāra hai

hameñ to aap kī nazar-e-'ināyat kā sahārā hai

faqīr-e-be-navā kī aap hī ko laaj hai shāhā

bhikārī huuñ tumhārā bas yahī merā guzārā hai

sivā.e aap ke koī nahīñ merā zamāne meñ

banī jab koī mushkil aap ko maiñ ne pukārā hai

tumhāre dar kī nisbat se mujhe sab jaan jaate haiñ

sag-e-dar bhī tumhārā aur paTTā bhī tumhārā hai

mire jaise haiñ lākhoñ aap kī bazm-e-'ināyat meñ

kaho to aap jaisā kaun duniyā meñ hamārā hai

use iksīr samjhūñ yā sitāra-e-jabīñ samjhūñ

tirī ḳhāk-e-qadam ne merī bigḌī ko sañvārā hai

kisi ka koi munis hai kisi ka koi chaara hai

hamein to aap ki nazar-e-'inayat ka sahaara hai

faqir-e-be-nawa ki aap hi ko laj hai shaha

bhikari hun tumhaara bas yahi mera guzara hai

siwae aap ke koi nahin mera zamane mein

bani jab koi mushkil aap ko main ne pukara hai

tumhaare dar ki nisbat se mujhe sab jaan jate hain

sag-e-dar bhi tumhaara aur paTTa bhi tumhaara hai

mere jaise hain lakhon aap ki bazm-e-'inayat mein

kaho to aap jaisa kaun duniya mein hamara hai

use iksir samjhun ya sitara-e-jabin samjhun

teri KHak-e-qadam ne meri bigDi ko sanwara hai