apni tajalliyon mein wo aise nihan rahe

apnī tajalliyoñ meñ vo aise nihāñ rahe

dil meñ bhī mere rah ke na jaane kahāñ rahe

āñkhoñ meñ nuur jism meñ ban kar vo jaañ rahe

yā'nī hamī meñ rah ke vo ham se nihāñ rahe

vo aur hamāre paas ḳhudā-dād baat thī

ham muddatoñ ḳhudā kī qasam bad-gumāñ rahe

sūraj ke sāmne kahāñ shabnam ko hai qarār

ham-pās tum jo aa.e to phir ham kahāñ rahe

tauhīn-e-husn-o-'ishq hai tafrīq-e-husn-o-'ishq

hai jab maza ki farq na kuchh darmiyāñ rahe

kyā aañkh uThā ke jalva-e-qudrat ko dekhte

'kaukab' fareb-kHurda-e-chashm-e-butāñ rahe

apni tajalliyon mein wo aise nihan rahe

dil mein bhi mere rah ke na jaane kahan rahe

aankhon mein nur jism mein ban kar wo jaan rahe

ya'ni hami mein rah ke wo hum se nihan rahe

wo aur hamare pas KHuda-dad baat thi

hum muddaton KHuda ki qasam bad-guman rahe

suraj ke samne kahan shabnam ko hai qarar

ham-pas tum jo aae to phir hum kahan rahe

tauhin-e-husn-o-'ishq hai tafriq-e-husn-o-'ishq

hai jab maza ki farq na kuchh darmiyan rahe

kya aankh uTha ke jalwa-e-qudrat ko dekhte

'kaukab' fareb-kHurda-e-chashm-e-butan rahe