phire zamana mein chaar jaanib nigar-e-yakta tum hi ko dekha

phire zamāna meñ chaar jānib nigār-e-yaktā tum hī ko dekhā

hasīn dekhe jamīl dekhe va-lek tum sā tum hī ko dekhā

agarche is gulshan-e-jahāñ meñ hazāroñ gul haiñ ba-rañg-e-dīgar

dile ba-kHushbū-e-rūh-parvar sadā mahaktā tum hī ko dekhā

falak pe haiñ mehr-o-māh raushan zamīñ pe haiñ shāhidān-e-pur-fan

magar batā zū-adā-e-shīrīñ ’azīz-e-dilhā tum hī ko dekhā

habīb-e-mahbūb-e-ḳhās-e-yazdāñ jamīl-e-maqbūl-e-faḳhr-e-ḳhūbāñ

vo jin ko kahte haiñ jān-e-jānāñ ḳhudā kā pyārā tum hī ko dekhā

zamīñ pe ajsām jin ke 'maftūñ' falak pe ajrām jin ke shaidā

bashar is andāz-o-adā kā tum hī ko dekhā tum hī ko dekhā

phire zamana mein chaar jaanib nigar-e-yakta tum hi ko dekha

hasin dekhe jamil dekhe wa-lek tum sa tum hi ko dekha

agarche is gulshan-e-jahan mein hazaron gul hain ba-rang-e-digar

dile ba-kHushbu-e-ruh-parwar sada mahakta tum hi ko dekha

falak pe hain mehr-o-mah raushan zamin pe hain shahidan-e-pur-fan

magar bata zu-ada-e-shirin ’aziz-e-dilha tum hi ko dekha

habib-e-mahbub-e-KHas-e-yazdan jamil-e-maqbul-e-faKHr-e-KHuban

wo jin ko kahte hain jaan-e-jaanan KHuda ka pyara tum hi ko dekha

zamin pe ajsam jin ke 'maftun' falak pe ajram jin ke shaida

bashar is andaz-o-ada ka tum hi ko dekha tum hi ko dekha