jis din se mere yar ne jalwa dikha diya
jis din se mere yaar ne jalva dikhā diyā
us din se mere hosh Thikāne lagā diyā
ham ko tumhāre 'ishq ne kyā kyā banā diyā
jab kuchh na ban sake to tamāshā banā diyā
ab tum mere bano yā na bano iḳhtiyār hai
taqdīr ne mujhe to tumhārā banā diyā
faiz-e-nigāh-e-ġhasvī kā ehsānmand huuñ
nāchīz ek bande ko kyā kyā banā diyā
naqsh-e-qadam jahāñ bhī mile sahvī ke mujhe
kā'ba samajh ke maiñ ne jabīñ ko jhukā diyā
hai be-shumār but mere qalb-o-siyāh meñ
un kī nigāh-e-nāz ne kā'ba banā diyā
'iz.hār' un se apnī tabāhī kā kyā gila
qudrat kā khel hai ki bigāḌā banā diyā
taqdīr ne falak ne musībat meñ aah ne
jis jis ne chāhā merā tamāshā banā diyā
jis din se mere yar ne jalwa dikha diya
us din se mere hosh Thikane laga diya
hum ko tumhaare 'ishq ne kya kya bana diya
jab kuchh na ban sake to tamasha bana diya
ab tum mere bano ya na bano iKHtiyar hai
taqdir ne mujhe to tumhaara bana diya
faiz-e-nigah-e-ghaswi ka ehsanmand hun
nachiz ek bande ko kya kya bana diya
naqsh-e-qadam jahan bhi mile sahwi ke mujhe
ka'ba samajh ke main ne jabin ko jhuka diya
hai be-shumar but mere qalb-o-siyah mein
un ki nigah-e-naz ne ka'ba bana diya
'izhaar' un se apni tabahi ka kya gila
qudrat ka khel hai ki bigaDa bana diya
taqdir ne falak ne musibat mein aah ne
jis jis ne chaha mera tamasha bana diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.