der se hum dar-e-daulat pe sada dete hain

der se ham dar-e-daulat pe sadā dete haiñ

aaj dekheñ mire ḳhvāja mujhe kyā dete haiñ

bhuul jaatā hai jo kaliyar kī tire raah koī

hazrat-e-ganj-e-shakar aa ke batā dete haiñ

na sahī baḳht meñ kuchh mere magar yā sābir

aap bigḌī huī taqdīr banā dete haiñ

chuTkiyāñ letī hai rah-rah ke jigar meñ fariyād

nāla-e-dil mujhe tham-tham ke mazā dete haiñ

mujhe bande ko banā dete haiñ dam meñ maulā

shaan yuuñ banda-navāzī kī dikhā dete haiñ

mire sābir tire qurbāñ meñ pukārūñ kab tak

muñh se farmāo ḳhudā ke liye haañ dete haiñ

adab-āmoz haqīqat haiñ vo jalve tere

sabaq innī-o-anā kā vo paḌhā dete haiñ

rahm kar rahm husain ibn-e-'alī kā sadqa

tire mohtāj tire dar pe sadā dete haiñ

der se hum dar-e-daulat pe sada dete hain

aaj dekhen mere KHwaja mujhe kya dete hain

bhul jata hai jo kaliyar ki tere rah koi

hazrat-e-ganj-e-shakar aa ke bata dete hain

na sahi baKHt mein kuchh mere magar ya sabir

aap bigDi hui taqdir bana dete hain

chuTkiyan leti hai rah-rah ke jigar mein fariyaad

nala-e-dil mujhe tham-tham ke maza dete hain

mujhe bande ko bana dete hain dam mein maula

shan yun banda-nawazi ki dikha dete hain

mere sabir tere qurban mein pukarun kab tak

munh se farmao KHuda ke liye han dete hain

adab-amoz haqiqat hain wo jalwe tere

sabaq inni-o-ana ka wo paDha dete hain

rahm kar rahm husain ibn-e-'ali ka sadqa

tere mohtaj tere dar pe sada dete hain