dil wo aabaad nahin jis mein teri yaad nahin

dil vo ābād nahīñ jis meñ terī yaad nahīñ

hai vo kāfir jo terī raah meñ barbād nahīñ

ai ġham-e-yār tere dam se hai tā'mīr-e-hayāt

tū salāmat hai to hastī merī barbād nahīñ

DhūñDne ko tujhe mere na milne vaale

vo chalā hai jise apnā hī pata yaad nahīñ

jaam jab piine lage muñh se kahā bismillāh

ye na samjhe koī rindoñ kā ḳhudā yaad nahīñ

sar hai sajde meñ terā dil meñ talab hūroñ kī

falsafa-e-rasm-e-’ibādat kā tujhe yaad nahīñ

ḳhaak uḌaao ke ye vo daur-e-rustam hai logo

sab ko sab kī hai ḳhabar apnā kyā yaad nahīñ

ai 'jigar' hai terī hastī kī haqīqat itnī

mujh meñ hai ābād aur maiñ kahīñ ābād nahīñ

dil wo aabaad nahin jis mein teri yaad nahin

hai wo kafir jo teri rah mein barbaad nahin

ai gham-e-yar tere dam se hai ta'mir-e-hayat

tu salamat hai to hasti meri barbaad nahin

DhunDne ko tujhe mere na milne wale

wo chala hai jise apna hi pata yaad nahin

jam jab pine lage munh se kaha bismillah

ye na samjhe koi rindon ka KHuda yaad nahin

sar hai sajde mein tera dil mein talab huron ki

falsafa-e-rasm-e-’ibaadat ka tujhe yaad nahin

KHak uDao ke ye wo daur-e-rustam hai logo

sab ko sab ki hai KHabar apna kya yaad nahin

ai 'jigar' hai teri hasti ki haqiqat itni

mujh mein hai aabaad aur main kahin aabaad nahin