raat-bhar mujhko gham-e-yar ne sone na diya

rāt-bhar mujh ko ġham-e-yār ne sone na diyā

sub.h ko ḳhauf-e-shab-e-tār ne sone na diyā

sham' kī tarah mujhe raat kaTī suulī meñ

chain se yād-e-qad-e-yār ne sone na diyā

ye karāhā tirā bīmār-e-alam dard ke saath

kisī ham-sāya ko bīmār ne sone na diiyā

ai dil-e-zār tū soyā kyā ārām se raat

mujhe pal-bhar jo dil-e-zār ne sone na diyā

maiñ vo majnūñ huuñ ki zindāñ meñ nigahbānoñ ko

mirī zanjīr kī jhanakār ne sone na diyā

so.uuñ maiñ kyā ki mire paañv ko jo zindāñ meñ

ārzū-e-kHalish-e-yār ne sone na diyā

yās-o-ġham-o-ranj-o-tā’b mere hue dushman-e-jāñ

ai 'zafar' shab inhīñ do-chār ne sone na diyā

raat-bhar mujh ko gham-e-yar ne sone na diya

subh ko KHauf-e-shab-e-tar ne sone na diya

sham' ki tarah mujhe raat kaTi suli mein

chain se yaad-e-qad-e-yar ne sone na diya

ye karaha tera bimar-e-alam dard ke sath

kisi ham-saya ko bimar ne sone na diya

ai dil-e-zar tu soya kya aaram se raat

mujhe pal-bhar jo dil-e-zar ne sone na diya

main wo majnun hun ki zindan mein nigahbanon ko

meri zanjir ki jhanakar ne sone na diya

soun main kya ki mere panw ko jo zindan mein

aarzu-e-kHalish-e-yar ne sone na diya

yas-o-gham-o-ranj-o-ta’b mere hue dushman-e-jaan

ai 'zafar' shab inhin do-chaar ne sone na diya