dil jala kar mera muskuraate hain wo
dil jalā kar merā muskurāte haiñ vo
apnī 'ādat se kab baaz aate haiñ vo
ḳhūn-e-dil merā kar ke baḌe shauq se
apne hāthoñ pe mehñdī lagāte haiñ vo
pūchh lete haiñ har raaz mujh se mirā
mujh se har baat apnī chhupāte haiñ vo
log rah jaate haiñ apnā dil thaam kar
jab bhī āñkhoñ meñ kājal lagāte haiñ vo
pyaar mujh se jatā kar satāte haiñ vo
ġhair ke saath āte-jāte haiñ vo
jab maiñ kahtā huuñ dil apnā de do mujhe
hañs ke apnā añgūThā dikhāte haiñ vo
jaise 'sādiq' se un ko mohabbat nahīñ
apne sādiq ko aise satāte haiñ vo
dil jala kar mera muskuraate hain wo
apni 'adat se kab baz aate hain wo
KHun-e-dil mera kar ke baDe shauq se
apne hathon pe mehndi lagate hain wo
puchh lete hain har raaz mujh se mera
mujh se har baat apni chhupate hain wo
log rah jate hain apna dil tham kar
jab bhi aankhon mein kajal lagate hain wo
pyar mujh se jata kar satate hain wo
ghair ke sath aate-jate hain wo
jab main kahta hun dil apna de do mujhe
hans ke apna anguTha dikhate hain wo
jaise 'sadiq' se un ko mohabbat nahin
apne sadiq ko aise satate hain wo
This content features in following collection(s)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
