دل جلا کر میرا مسکراتے ہیں وہ

دل جلا کر میرا مسکراتے ہیں وہ

اپنی عادت سے کب باز آتے ہیں وہ

خون دل میرا کر کے بڑے شوق سے

اپنے ہاتھوں پہ مہندی لگاتے ہیں وہ

پوچھ لیتے ہیں ہر راز مجھ سے مرا

مجھ سے ہر بات اپنی چھپاتے ہیں وہ

لوگ رہ جاتے ہیں اپنا دل تھام کر

جب بھی آنکھوں میں کاجل لگاتے ہیں وہ

پیار مجھ سے جتا کر ستاتے ہیں وہ

غیر کے ساتھ آتے جاتے ہیں وہ

جب میں کہتا ہوں دل اپنا دے دو مجھے

ہنس کے اپنا انگوٹھا دکھاتے ہیں وہ

جیسے صادقؔ سے ان کو محبت نہیں

اپنے صادق کو ایسے ستاتے ہیں وہ