meri aankhon mein ashkon ka nazara kaun dekhega
mirī āñkhoñ meñ ashkoñ kā nazāra kaun dekhegā
bichhaḌ jaane kā vo manzar dobāra kaun dekhegā
kiyā hai qatl phir ye tamāshā bhī ho jaanā
tumhāre bin taḌapnā ye hamārā kaun dekhegā
yahāñ to jān-o-dil qurbān kar dete haiñ dil vaale
ye saudā hai mohabbat kā ḳhasāra kaun dekhegā
jo aa.ī maut to phir saath apne le kar jā.egī
terī sandal-sī bhāhoñ kā sahārā kaun dekhegā
sar-e-mahshar sabhī ko apnī-apnī hī paḌī hogī
hai kis ne kis ke sañg jīvan guzārā kaun dekhegā
mujhe to fikr hogī hashr meñ pichhle gunāhoñ kī
vahāñ phir tirī āñkhoñ kā ishāra kaun dekhegā
meri aankhon mein ashkon ka nazara kaun dekhega
bichhaD jaane ka wo manzar dobara kaun dekhega
kiya hai qatl phir ye tamasha bhi ho jaana
tumhaare bin taDapna ye hamara kaun dekhega
yahan to jaan-o-dil qurban kar dete hain dil wale
ye sauda hai mohabbat ka KHasara kaun dekhega
jo aai maut to phir sath apne le kar jaegi
teri sandal-si bhahon ka sahaara kaun dekhega
sar-e-mahshar sabhi ko apni-apni hi paDi hogi
hai kis ne kis ke sang jiwan guzara kaun dekhega
mujhe to fikr hogi hashr mein pichhle gunahon ki
wahan phir teri aankhon ka ishaara kaun dekhega
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
