na bosa dena aata hai na dil bahlana aata hai

na bosa denā aatā hai na dil bahlānā aatā hai

tujhe to o but-e-kāfir faqat tarsānā aatā hai

jo tum hañsne meñ ho mashshāq ham rone meñ kāmil haiñ

tumheñ bijlī girānā ham ko meñh barsānā aatā hai

bichhā kar dām-e-gesū ruḳh pe vo sayyād yuuñ bolā

ye phandā vo hai jis meñ murġh-e-dil be-dāna aatā hai

surāhī qahqaha bhartī hai miinā muskurātā hai

hamārā yaar jis dam jānib-e-mai-ḳhāna aatā hai

tabassum kī jagah us kāfir-e-bad-kesh ko ai 'rind'

ḳhafā honā bigaḌnā mārnā dhamkānā aatā hai

na bosa dena aata hai na dil bahlana aata hai

tujhe to o but-e-kafir faqat tarsana aata hai

jo tum hansne mein ho mashshaq hum rone mein kaamil hain

tumhein bijli girana hum ko meinh barsana aata hai

bichha kar dam-e-gesu ruKH pe wo sayyaad yun bola

ye phanda wo hai jis mein murgh-e-dil be-dana aata hai

surahi qahqaha bharti hai mina muskuraata hai

hamara yar jis dam jaanib-e-mai-KHana aata hai

tabassum ki jagah us kafir-e-bad-kesh ko ai 'rind'

KHafa hona bigaDna marna dhamkana aata hai