wo dete hain har ek ko galiyan aahista-ahista

vo dete haiñ har ik ko gāliyāñ āhista-āhista

kuchh ab baḌhtī chalī un kī zabāñ āhista-āhista

maza mil jaa.e kushte ko tumhāre dast-e-nāzuk se

mirī gardan pe ho ḳhanjar ravāñ āhista-āhista

shab-e-vaslat hai āḳhir maiñ na rah jā.ūñ kahīñ mahram

muazzin dījiyo lillāh azaañ āhista-āhista

hazāroñ dil bichhe haiñ aap ke chalne ke raste meñ

qadam rakhnā zarā ai jān-e-jāñ āhista-āhista

abhī kam-sin haiñ vo fazl-e-ḳhudā se jab javāñ hoñge

baḌheñgī aur us se shoḳhiyāñ āhista-āhista

hathelī meñ sar apnā le ke chaliye bahr-e-istiqbāl

vo aate haiñ 'hilāl' abr-o-kamāñ āhista-āhista

wo dete hain har ek ko galiyan aahista-ahista

kuchh ab baDhti chali un ki zaban aahista-ahista

maza mil jae kushte ko tumhaare dast-e-nazuk se

meri gardan pe ho KHanjar rawan aahista-ahista

shab-e-waslat hai aaKHir main na rah jaun kahin mahram

muazzin dijiyo lillah azan aahista-ahista

hazaron dil bichhe hain aap ke chalne ke raste mein

qadam rakhna zara ai jaan-e-jaan aahista-ahista

abhi kam-sin hain wo fazl-e-KHuda se jab jawan honge

baDhengi aur us se shoKHiyan aahista-ahista

hatheli mein sar apna le ke chaliye bahr-e-istiqbaal

wo aate hain 'hilal' abr-o-kaman aahista-ahista