zamana chhan mara hai ye duniya dekhi-bhaali hai

zamāna chhān maarā hai ye duniyā dekhī-bhālī hai

na koī hai ḳhush-o-ḳhurram na koī ġham se ḳhālī hai

zamāna tujh pe martā hai zamāna terā shaidā hai

ḳhudā ne shakl tere nuur ke sāñche meñ Dhālī hai

kisī kī kam-sinī kahtī hai mujh se dekhtā kyā hai

abhī tham jā zarā dam le qiyāmat hone vaalī hai

tasadduq apne qātil ke liye teġh aayā nazroñ meñ

hamāre qatl kī is ne na.ī sūrat nikālī hai

'adū se tum nahīñ milte yaqīñ aa.e mujhe kyuuñ kar

usī ke kahne sunñe se chhurī mujh par nikālī hai

kisī kī zulf-e-nāgin chheḌ kar yuuñ haath maltā hai

qazā goyā na aa.ī thī zabardastī bulā lī hai

ilāhī vasl kī shab aur ye sharm-o-hayā kaisī

kabhī vo sāmne aa.e kabhī sūrat chhupā.ī hai

abhī niklā hai din dekho abhī phir shaam honī hai

abhī ham ne shab-e-hijrāñ baḌī mushkil se Taalī hai

hamesha vo daġhā karte haiñ 'āshiq se but kāfir

kisī se aaj milne kī qasam to ham ne khā lī hai

kabhī vo vā’da karte haiñ kabhī vo bhuul jaate haiñ

dil-e-'raushan' kī kis din aap ne hasrat nikālī hai

zamana chhan mara hai ye duniya dekhi-bhaali hai

na koi hai KHush-o-KHurram na koi gham se KHali hai

zamana tujh pe marta hai zamana tera shaida hai

KHuda ne shakl tere nur ke sanche mein Dhaali hai

kisi ki kam-sini kahti hai mujh se dekhta kya hai

abhi tham ja zara dam le qiyamat hone wali hai

tasadduq apne qatil ke liye tegh aaya nazron mein

hamare qatl ki is ne nai surat nikali hai

'adu se tum nahin milte yaqin aae mujhe kyun kar

usi ke kahne sunne se chhuri mujh par nikali hai

kisi ki zulf-e-nagin chheD kar yun hath malta hai

qaza goya na aai thi zabardasti bula li hai

ilahi wasl ki shab aur ye sharm-o-haya kaisi

kabhi wo samne aae kabhi surat chhupai hai

abhi nikla hai din dekho abhi phir sham honi hai

abhi hum ne shab-e-hijran baDi mushkil se Tali hai

hamesha wo dagha karte hain 'ashiq se but kafir

kisi se aaj milne ki qasam to hum ne kha li hai

kabhi wo wa’da karte hain kabhi wo bhul jate hain

dil-e-'raushan' ki kis din aap ne hasrat nikali hai