pila kar jam wahdat ka mujhe mastana tu kar de
pilā kar jaam vahdat kā mujhe mastāna tū kar de
mirā ābād ai murshid dil-e-vīrāna tū kar de
mai-e-ulfat se ai saaqī mirā paimāna tū bhar de
anal-haq kī sadā nikle agar mastāna tū kar de
pilā de mujh ko ai saaqī karam se bāda-e-gul-rañg
ḳhudā-rā bazm-e-ālam se mujhe begāna tū kar de
jo ulfat de to aisī de tavajjoh de to aisī de
sham.a ban baiTh mahfil meñ mujhe parvāna tū kar de
habāb-e-bahr meñ jo huuñ to tū dariyā-e-rahmat se
ilāhī apnī ulfat meñ mujhe dīvāna tū kar de
fanā ho kar baqā pā.ūñ maiñ tere ’ishq-o-ulfat meñ
ye merī ḳhaak ko ai kūza-gar paimāna tū kar de
ilāhī 'abr' kī qismat hamesha vasl-e-murshid ho
sadaf meñ bahr-e-vahdat ke mujhe durdāna tū kar de
pila kar jam wahdat ka mujhe mastana tu kar de
mera aabaad ai murshid dil-e-virana tu kar de
mai-e-ulfat se ai saqi mera paimana tu bhar de
anal-haq ki sada nikle agar mastana tu kar de
pila de mujh ko ai saqi karam se baada-e-gul-rang
KHuda-ra bazm-e-alam se mujhe begana tu kar de
jo ulfat de to aisi de tawajjoh de to aisi de
shama ban baiTh mahfil mein mujhe parwana tu kar de
habab-e-bahr mein jo hun to tu dariya-e-rahmat se
ilahi apni ulfat mein mujhe diwana tu kar de
fana ho kar baqa paun main tere ’ishq-o-ulfat mein
ye meri KHak ko ai kuza-gar paimana tu kar de
ilahi 'abr' ki qismat hamesha wasl-e-murshid ho
sadaf mein bahr-e-wahdat ke mujhe durdana tu kar de
- Book : Guldasta-e-Qawwali (Pg. 28)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
