ishq ka rang tere dil pe jama lun to kahun

'ishq kā rañg tire dil pe jamā luuñ to kahūñ

vasl kā koī vasīla bhī maiñ pā luuñ to kahūñ

jo mazā dil ko milā hai vo na pūchh ai qātil

zakHm-e-shamshīr abhī aur maiñ khālūñ to kahūñ

dāstān-e-hijr kī tum vasl meñ gar pūchhte ho

ashk-e-ḳhūñ āñkhoñ se ai yaar bahā.ūñ to kahūñ

pūchhte aap haiñ jo dard-e-judā.ī mujh se

pahle siina se tumheñ apnī lagā luuñ to kahūñ

haa.e vo sote haiñ aur vasl kī shab jaatī hai

dam zarā le dil-e-be-tāb jagā luuñ to kahūñ

haa.e kyā pūchhte ho soz-e-ġham-e-furqat ko

aag bhaḌkī hai kaleja maiñ bujhā luuñ to kahūñ

va.ada-e-vasl pe kahte haiñ vo hañs kar dūlhā

ā.īna dekh ke zulfoñ ko banā luuñ to kahūñ

'ishq ka rang tere dil pe jama lun to kahun

wasl ka koi wasila bhi main pa lun to kahun

jo maza dil ko mila hai wo na puchh ai qatil

zakHm-e-shamshir abhi aur main khaalun to kahun

dastan-e-hijr ki tum wasl mein gar puchhte ho

ashk-e-KHun aankhon se ai yar bahaun to kahun

puchhte aap hain jo dard-e-judai mujh se

pahle sina se tumhein apni laga lun to kahun

hae wo sote hain aur wasl ki shab jati hai

dam zara le dil-e-be-tab jaga lun to kahun

hae kya puchhte ho soz-e-gham-e-furqat ko

aag bhaDki hai kaleja main bujha lun to kahun

wada-e-wasl pe kahte hain wo hans kar dulha

aaina dekh ke zulfon ko bana lun to kahun