agar tu ne kahna na mana kisi ka

agar tū ne kahnā na maanā kisī kā

burā hogā zālim satāna kisī kā

'abas hai ye mehñdī lagānā kisī kā

hai madd-e-nazar ḳhuuñ bahānā kisī kā

mere rone par muskurānā kisī kā

ġhazab hai ye bijlī girānā kisī kā

jahāñ jis ko taakā vahīñ us ko maarā

qiyāmat hai yā-rab nishānā kisī kā

jo pūchhe koī ham se be-parda kah deñ

vo ġhairoñ ke ghar chhup ke jaanā kisī kā

nazar daulat-e-husn kī taak meñ hai

kahīñ luT na jaa.e ḳhazānā kisī kā

to barq apnī be-tābiyāñ bhuul jaa.e

agar dekh le tilmilānā kisī kā

merā qissa-e-hijr sun kar vo bole

mazedār hai ye fasānā kisī kā

kalīsā meñ hai yā hai dair-o-haram meñ

batā.ūñ tumheñ kyā Thikānā kisī kā

nikal jā.eñgī hasrateñ terī ai dil

shab-e-vasl hogā jo aanā kisī kā

shab-e-va.ada ḳhuuñ ai 'rashīd' apnā hogā

vo paañv meñ mehñdī lagānā kisī kā

agar tu ne kahna na mana kisi ka

bura hoga zalim satana kisi ka

'abas hai ye mehndi lagana kisi ka

hai madd-e-nazar KHun bahana kisi ka

mere rone par muskurana kisi ka

ghazab hai ye bijli girana kisi ka

jahan jis ko taka wahin us ko mara

qiyamat hai ya-rab nishana kisi ka

jo puchhe koi hum se be-parda kah den

wo ghairon ke ghar chhup ke jaana kisi ka

nazar daulat-e-husn ki tak mein hai

kahin luT na jae KHazana kisi ka

to barq apni be-tabiyan bhul jae

agar dekh le tilmilana kisi ka

mera qissa-e-hijr sun kar wo bole

mazedar hai ye fasana kisi ka

kalisa mein hai ya hai dair-o-haram mein

bataun tumhein kya Thikana kisi ka

nikal jaengi hasraten teri ai dil

shab-e-wasl hoga jo aana kisi ka

shab-e-wada KHun ai 'rashid' apna hoga

wo panw mein mehndi lagana kisi ka