aankhon mein bas raha hai dil mein sama raha hai

āñkhoñ meñ bas rahā hai dil meñ samā rahā hai

har shakl meñ vo jalva apnā dikhā rahā hai

ham jān-o-dīn-o-īmāñ pahle hī de chuke haiñ

ai dil-rubā hamāre ab paas kyā rahā hai

baḳhshā tujhe ḳhudā ne ai shaah aisā rutba

dar par tire ik 'ālam sar ko jhukā rahā hai

ham ko to hai vasīla mahbūb-e-kibriyā kā

dozaḳh se nāsehā kyuuñ mujh ko Darā rahā hai

hūroñ se ye malā.ik kahte the aa ke dekho

kis shaan se ḳhudā kā mahbūb aa rahā hai

terī galī meñ dekhā ham ne 'adam kā naqsha

koī to aa rahā hai koī to jā rahā hai

aankhon mein bas raha hai dil mein sama raha hai

har shakl mein wo jalwa apna dikha raha hai

hum jaan-o-din-o-iman pahle hi de chuke hain

ai dil-ruba hamare ab pas kya raha hai

baKHsha tujhe KHuda ne ai shah aisa rutba

dar par tere ek 'alam sar ko jhuka raha hai

hum ko to hai wasila mahbub-e-kibriya ka

dozaKH se naseha kyun mujh ko Dara raha hai

huron se ye malaik kahte the aa ke dekho

kis shan se KHuda ka mahbub aa raha hai

teri gali mein dekha hum ne 'adam ka naqsha

koi to aa raha hai koi to ja raha hai