آنکھوں میں بس رہا ہے دل میں سما رہا ہے

آنکھوں میں بس رہا ہے دل میں سما رہا ہے

ہر شکل میں وہ جلوہ اپنا دکھا رہا ہے

ہم جان و دین و ایماں پہلے ہی دے چکے ہیں

اے دل ربا ہمارے اب پاس کیا رہا ہے

بخشا تجھے خدا نے اے شاہ ایسا رتبہ

در پر ترے اک عالم سر کو جھکا رہا ہے

ہم کو تو ہے وسیلہ محبوب کبریا کا

دوزخ سے ناصحا کیوں مجھ کو ڈرا رہا ہے

حوروں سے یہ ملائک کہتے تھے آ کے دیکھو

کس شان سے خدا کا محبوب آ رہا ہے

تیری گلی میں دیکھا ہم نے عدم کا نقشہ

کوئی تو آ رہا ہے کوئی تو جا رہا ہے