teri surat but-e-kafir KHuda ne wo banai hai

tirī sūrat but-e-kāfir ḳhudā ne vo banā.ī hai

ki ḳhauf-e-ḳhudā maa.il tirī saarī ḳhudā.ī hai

junūñ kā josh ho ai gul-badan tujh se judā.ī hai

havā-e-dāman-e-sahrā mire sar meñ samā.ī hai

huā zulf ’ambar-fām phir sar meñ samā.ī hai

qazā kā sāmnā hai maut phir tashrīf laa.ī hai

kisī din paan khāne meñ hañsī un ko jo aa.ī hai

dil par ḳhuun ahl-e-'ishq par bijlī girā.ī hai

huā manzūr phir tārāj karnā kishvar-e-dil kā

jo fauj-e-ranj-o-dard-e-hijr kī mujh par chaḌhā.ī hai

tire kūche se jīte-jī na uThūñgā na jā.ūñgā

mujhe merī qazā jān-e-jahāñ yaañ khīñch laa.ī hai

hamārī qabr par ro-ro ke farmāte haiñ hasrat se

ye vo 'āshiq hai jis ne jaan tak ham par gñvāi hai

ulajh kar vo savāl-e-bosa-e-kākul pe yuuñ bole

tujhe saudā huā hai yā ki terī maut aa.ī hai

vo 'īsā-dam jo aa jaatā to jī uThtā ye phir murda

yahī thā mashvara sab kā mirī jab laash uThā.ī hai

koī kahtā hai majnūñ aur koī kahtā hai dīvāna

tumhār 'ishq meñ pyāre ye zillat ham ne paa.ī hai

na kar lillāh us dāġh-e-junūñ ko rā.egāñ 'aḳhgar'

ki ye tere baḌe gāḌhe pasīne kī kamā.ī hai

teri surat but-e-kafir KHuda ne wo banai hai

ki KHauf-e-KHuda mail teri sari KHudai hai

junun ka josh ho ai gul-badan tujh se judai hai

hawa-e-daman-e-sahra mere sar mein samai hai

hua zulf ’ambar-fam phir sar mein samai hai

qaza ka samna hai maut phir tashrif lai hai

kisi din pan khane mein hansi un ko jo aai hai

dil par KHun ahl-e-'ishq par bijli girai hai

hua manzur phir taraj karna kishwar-e-dil ka

jo fauj-e-ranj-o-dard-e-hijr ki mujh par chaDhai hai

tere kuche se jite-ji na uThunga na jaunga

mujhe meri qaza jaan-e-jahan yan khinch lai hai

hamari qabr par ro-ro ke farmate hain hasrat se

ye wo 'ashiq hai jis ne jaan tak hum par gnwai hai

ulajh kar wo sawal-e-bosa-e-kakul pe yun bole

tujhe sauda hua hai ya ki teri maut aai hai

wo 'isa-dam jo aa jata to ji uThta ye phir murda

yahi tha mashwara sab ka meri jab lash uThai hai

koi kahta hai majnun aur koi kahta hai diwana

tumhaar 'ishq mein pyare ye zillat hum ne pai hai

na kar lillah us dagh-e-junun ko raegan 'aKHgar'

ki ye tere baDe gaDhe pasine ki kamai hai