sharab-e-ishq se maKHmur hain hum

sharāb-e-'ishq se maḳhmūr haiñ ham

tumhāre riñd hī mash.hūr haiñ ham

rivāyāt-e-kuhan haiñ ham se zinda

bahr-e-’ahd-e-navī mansūr haiñ ham

hamāre dam se taz.īn-e-jahāñ hai

azal se aaj tak dastūr haiñ ham

ḳhudā rakkhe ye e'ajāz-e-tasavvur

qarīb-e-jalva-gāh-e-tūr haiñ ham

ziyā paa.ī hai zarroñ ne hamīñ se

tumhāre nuur se mā'mūr haiñ ham

hamārā dil hai jalvoñ se muzayyan

ki shaidā-e-rukH-e-pur-nūr haiñ ham

hameñ hai naaz apnī mai-kahsī par

'ajab andāz ke maḳhmūr haiñ ham

khulīñ isrār-e-pinhāñ kaise ham par

nazar se apnī jab mastūr haiñ ham

usī kā naam hai rāz-e-mashiyyat

ki muḳhtārī pe bhī majbūr haiñ ham

bharosa hai hameñ rahmat pe 'sādiq'

gunahgār-e-jahāñ mash.hūr haiñ ham

sharab-e-'ishq se maKHmur hain hum

tumhaare rind hi mashhur hain hum

riwayat-e-kuhan hain hum se zinda

bahr-e-’ahd-e-nawi mansur hain hum

hamare dam se tazin-e-jahan hai

azal se aaj tak dastur hain hum

KHuda rakkhe ye e'ajaz-e-tasawwur

qarib-e-jalwa-gah-e-tur hain hum

ziya pai hai zarron ne hamin se

tumhaare nur se ma'mur hain hum

hamara dil hai jalwon se muzayyan

ki shaida-e-rukH-e-pur-nur hain hum

hamein hai naz apni mai-kahsi par

'ajab andaz ke maKHmur hain hum

khulin israr-e-pinhan kaise hum par

nazar se apni jab mastur hain hum

usi ka nam hai raaz-e-mashiyyat

ki muKHtari pe bhi majbur hain hum

bharosa hai hamein rahmat pe 'sadiq'

gunahgar-e-jahan mashhur hain hum