saqiya kis dhum se jari hai mai-KHana tera
sāqiyā kis dhuum se jaarī hai mai-ḳhāna tirā
ho ga.ī hastī fanā piite hī paimāna tirā
daulat-e-kaunain mujh ko mil ga.ī jab tū milā
juz tire kuchh bhī nahīñ chāhtā hai dīvāna tirā
zāhid-e-hushyār ko apnī ḳhabar ab tak nahīñ
donoñ 'ālam kī ḳhabar rakhtā hai mastāna tirā
terī nazroñ ne mujhe saaqī navāzā is tarah
ban gayā dil mai-kada yā ḳhaas kāshāna tirā
hai yahī har dam nasha 'safdar' hasīñ ke vāste
har ghaḌī ho sāmne ruḳh be-hijābāna tirā
saqiya kis dhum se jari hai mai-KHana tera
ho gai hasti fana pite hi paimana tera
daulat-e-kaunain mujh ko mil gai jab tu mila
juz tere kuchh bhi nahin chahta hai diwana tera
zahid-e-hushyar ko apni KHabar ab tak nahin
donon 'alam ki KHabar rakhta hai mastana tera
teri nazron ne mujhe saqi nawaza is tarah
ban gaya dil mai-kada ya KHas kashana tera
hai yahi har dam nasha 'safdar' hasin ke waste
har ghaDi ho samne ruKH be-hijabana tera
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.