jo mujh mein bolta hai main nahin hun
jo mujh meñ boltā hai maiñ nahīñ huuñ
ye jalva yaar kā hai maiñ nahīñ huuñ
kahā mansūr ne suulī pe chaḌh kar
anal-haq kī sadā hai maiñ nahīñ huuñ
'abā pahne hue miTTī kī mūrat
koī bahrūpiyā hai maiñ nahīñ huuñ
mere parde meñ aakar aur koī
tamāsha kar rahā hai maiñ nahīñ huuñ
jo maiñ hotā ḳhatā mujh se bhī hotī
mujhe Dar kaahe kā hai maiñ nahīñ huuñ
jo bole mai-ḳhāne meñ jā ke bedam
vahāñ naqsha hai merā maiñ nahīñ huuñ
jo mujh mein bolta hai main nahin hun
ye jalwa yar ka hai main nahin hun
kaha mansur ne suli pe chaDh kar
anal-haq ki sada hai main nahin hun
'aba pahne hue miTTi ki murat
koi bahrupiya hai main nahin hun
mere parde mein aakar aur koi
tamasha kar raha hai main nahin hun
jo main hota KHata mujh se bhi hoti
mujhe Dar kahe ka hai main nahin hun
jo bole mai-KHane mein ja ke bedam
wahan naqsha hai mera main nahin hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
