tum agar yunhi nazren milate rahe mai-kahsi mere ghar se kahan jaegi

tum agar yūñhī nazreñ milāte rahe mai-kahsī mere ghar se kahāñ jā.egī

aur ye silsila mustaqil ho to phir be-ḳhudī mere ghar se kahāñ jā.egī

ik zamāne ke baa'd aa.ī hai shām-e-ġham shām-e-ġham mere ghar se kahāñ jā.egī

merī qismat meñ hai jo tumhārī kamī vo kamī mere ghar se kañh jā.egī

sham.a kī ab mujhe kuchh zarūrat nahīñ naam ko bhī shab-e-ġham meñ zulmat nahīñ

merā har dāġh-e-dil kam nahīñ chāñd se chāñdnī mere ghar se kahāñ jā.egī

tū ne jo ġham diye vo ḳhushī se liye tujh ko dekhā nahīñ phir bhī sajde kiye

itnā mazbūt hai jab 'aqīda mirā bandagī mere ghar se kahāñ jā.egī

zarf vaalā koī sāmne aa.e to maiñ bhī dekhūñ zarā us ko apnā.e to

merī hamrāz ye us kā hamrāz maiñ be-kasī mere ghar se kahāñ jā.egī

jo koī bhī tirī raah meñ mar gayā apnī hastī ko vo jāvedāñ kar gayā

maiñ shahīd-e-vafā ho gayā huuñ to kyā zindagī mere ghar se kahāñ jā.egī

tum agar yunhi nazren milate rahe mai-kahsi mere ghar se kahan jaegi

aur ye silsila mustaqil ho to phir be-KHudi mere ghar se kahan jaegi

ek zamane ke ba'd aai hai sham-e-gham sham-e-gham mere ghar se kahan jaegi

meri qismat mein hai jo tumhaari kami wo kami mere ghar se kanh jaegi

shama ki ab mujhe kuchh zarurat nahin nam ko bhi shab-e-gham mein zulmat nahin

mera har dagh-e-dil kam nahin chand se chandni mere ghar se kahan jaegi

tu ne jo gham diye wo KHushi se liye tujh ko dekha nahin phir bhi sajde kiye

itna mazbut hai jab 'aqida mera bandagi mere ghar se kahan jaegi

zarf wala koi samne aae to main bhi dekhun zara us ko apnae to

meri hamraaz ye us ka hamraaz main be-kasi mere ghar se kahan jaegi

jo koi bhi teri rah mein mar gaya apni hasti ko wo jawedan kar gaya

main shahid-e-wafa ho gaya hun to kya zindagi mere ghar se kahan jaegi