us ruKH-e-pak ka jis bazm charcha hoga

us ruḳh-e-pāk kā jis bazm charchā hogā

dar-o-dīvār se vaañ nuur barastā hogā

kyuuñ na ho ġhairat-e-barg shajar tūr-e-zabāñ

jab mire muñh meñ tirā vasf sarāpā hogā

habbazā saaf jabīñ salle-'alā peshānī

sho.ala-e-tūr ḳhajil dekh ye māthā hogā

us qad-e-pāk ke saa.e kā bandhā hai jo ḳhayāl

aḳhtar-e-baḳht 'adam meñ mirā chamkā hogā

māh-e-nau 'iid shafā'at kā chamak jāvegā

jis taraf hashr meñ abrū kā ishāra hogā

shān-e-mahbūbī se jab aap nikal ā.eñge

rū-kash-e-sahn-e-chaman hashr kā arsa hogā

jā.eñge sū-e-chaman kunj-e-qafas se chhuT kar

apnī qismat meñ koī aur bhī aisā hogā

ham-safīro mirā ahvāl bhī kahlā bhejo

koī zaddār madīne ko bhī jaatā hogā

hai madīne kī ziyārat kā jo 'kāfī' mushtāq

ye irāda mirā yā-rab kabhī purā hogā

us ruKH-e-pak ka jis bazm charcha hoga

dar-o-diwar se wan nur barasta hoga

kyun na ho ghairat-e-barg shajar tur-e-zaban

jab mere munh mein tera wasf sarapa hoga

habbaza saf jabin salle-'ala peshani

shoala-e-tur KHajil dekh ye matha hoga

us qad-e-pak ke sae ka bandha hai jo KHayal

aKHtar-e-baKHt 'adam mein mera chamka hoga

mah-e-nau 'id shafa'at ka chamak jawega

jis taraf hashr mein abru ka ishaara hoga

shan-e-mahbubi se jab aap nikal aaenge

ru-kash-e-sahn-e-chaman hashr ka arsa hoga

jaenge su-e-chaman kunj-e-qafas se chhuT kar

apni qismat mein koi aur bhi aisa hoga

ham-safiro mera ahwal bhi kahla bhejo

koi zaddar madine ko bhi jata hoga

hai madine ki ziyarat ka jo 'kafi' mushtaq

ye irada mera ya-rab kabhi pura hoga