wo jab se KHirman masarraton ka jala gae bijliyan gira ke

vo jab se ḳhirman masarratoñ kā jalā ga.e bijliyāñ girā ke

sambhāle baiThā huuñ ḳhaak dil kī hazāroñ chiñgāriyāñ dabā ke

baḌe maze se guzar rahī thī ye kyā kyā dīda-var banā ke

idhar to aao balā.eñ le luuñ kahāñ chale ḳhaak meñ milā ke

tamām izzat hai aap hī kī ye chheḌā pane gadā se kaisī

na dekhiye yuuñ mirā tamāsha huzūr ab Thokareñ khilā ke

janāb-e-zāhid ye mai-kada hai idhar kā ruḳh tum ne kyuuñ liyā hai

na jaane kitnoñ ne haar maanī nigāh saaqī kī shah meñ aake

ḳhabar to lo kis kī hai ye shoḳhī ki ek bijlī sī dil meñ chamkī

nafs kī rāhoñ se chal diyā hai abhī koī mere gudgudā ke

subuk-nigāhī ke daaġh se to ye hasrat-e-dīd hī bhalī hai

ham apnā ḳhud e'tibār khote kisī ke aage nazar uThā ke

kisī kī mahfil meñ kyā batā.eñ dimāġh apnā kahāñ thā āḳhir

hamārī duniyā hī aur kuchh thī jo us ne dekhā thā muskurā ke

ajab nahīñ hai yahī adā.eñ junūñ ke phir hausle baḌhā.eñ

zarā sā dāman ko chhū liyā thā jhaTak diyā tum ne adbadā ke

simaT ke sab aa ga.ī hai yārab kahāñ se ye kā.enāt mujh meñ

kahāñ kahāñ se guzar rahāñ huuñ nazar se un kī nazar milā ke

agar tumheñ yaar mil chukā hai to phir haram hai na but-kada hai

ġhilāf ka.aba pe jaake Daalo butoñ ko rakho kahīñ uThā ke

na jaane 'kāmil' ko kyā huā hai tumhār qadmoñ pe lauTtā hai

baḌā hī gustāḳh kar diyā hai huzūr ne us ko muñh lagā ke

wo jab se KHirman masarraton ka jala gae bijliyan gira ke

sambhaale baiTha hun KHak dil ki hazaron chingariyan daba ke

baDe maze se guzar rahi thi ye kya kya dida-war bana ke

idhar to aao balaen le lun kahan chale KHak mein mila ke

tamam izzat hai aap hi ki ye chheDa pane gada se kaisi

na dekhiye yun mera tamasha huzur ab Thokaren khila ke

janab-e-zahid ye mai-kada hai idhar ka ruKH tum ne kyun liya hai

na jaane kitnon ne haar mani nigah saqi ki shah mein aake

KHabar to lo kis ki hai ye shoKHi ki ek bijli si dil mein chamki

nafs ki rahon se chal diya hai abhi koi mere gudguda ke

subuk-nigahi ke dagh se to ye hasrat-e-did hi bhali hai

hum apna KHud e'tibar khote kisi ke aage nazar uTha ke

kisi ki mahfil mein kya bataen dimagh apna kahan tha aaKHir

hamari duniya hi aur kuchh thi jo us ne dekha tha muskura ke

ajab nahin hai yahi adaen junun ke phir hausle baDhaen

zara sa daman ko chhu liya tha jhaTak diya tum ne adbada ke

simaT ke sab aa gai hai yarab kahan se ye kaenat mujh mein

kahan kahan se guzar rahan hun nazar se un ki nazar mila ke

agar tumhein yar mil chuka hai to phir haram hai na but-kada hai

ghilaf kaba pe jake Dalo buton ko rakho kahin uTha ke

na jaane 'kaamil' ko kya hua hai tumhaar qadmon pe lauTta hai

baDa hi gustaKH kar diya hai huzur ne us ko munh laga ke