wo yaad aae to be-KHud ho gae hum

vo yaad aa.e to be-ḳhud ho ga.e ham

tasavvur meñ kisī ke kho ga.e ham

hai ajr-e-ḳhair nekī shar badī hai

vahī kaaTā ka.e jo bo ga.e ham

milā hai sāya-e-dīvār-e-jānāñ

bas ab to hashr tak ko sau ga.e ham

nazar aa.ī na ham ko sub.h-e-sādiq

zarūrat se ziyāda sau ga.e ham

nazar aayā hameñ jannat kā naqsha

'hafīz' un kī galī meñ jo ga.e ham

wo yaad aae to be-KHud ho gae hum

tasawwur mein kisi ke kho gae hum

hai ajr-e-KHair neki shar badi hai

wahi kaTa kae jo bo gae hum

mila hai saya-e-diwar-e-jaanan

bas ab to hashr tak ko sau gae hum

nazar aai na hum ko subh-e-sadiq

zarurat se ziyaada sau gae hum

nazar aaya hamein jannat ka naqsha

'hafiz' un ki gali mein jo gae hum