dil mera agar mail-e-ashaar na hota

dil merā agar mā.il-e-ash'ār na hotā

bātoñ se mire 'ishq kā iz.hār na hotā

gar sehr-bayānī mirī mash.hūr na hotī

vo ġhuncha-dahan mā.il-e-guftār na hotā

har hashr talak tūl-e-shab-e-vasl ko yā-rab

tā hashr ruḳh-e-hijr numūdār na hotā

is kūcha meñ ġhairoñ ko surāġh apnā na miltā

paañv meñ agar aabla se ḳhaar na hotā

us mast-e-shakar-kHvāb se āhista guzaryo

ai bād-e-sahar kaash vo bedār na hotā

ai kaash na ho shaam mire vasl ke din kī

āsār-e-shab-e-tār numūdār na hotā

āvāza shafā'at kā nabī ke jo na sunte

'isyāñ pe 'vasī' ko kabhī isrār na hotā

dil mera agar mail-e-ash'ar na hota

baaton se mere 'ishq ka izhaar na hota

gar sehr-bayani meri mashhur na hoti

wo ghuncha-dahan mail-e-guftar na hota

har hashr talak tul-e-shab-e-wasl ko ya-rab

ta hashr ruKH-e-hijr numudar na hota

is kucha mein ghairon ko suragh apna na milta

panw mein agar aabla se KHar na hota

us mast-e-shakar-kHwab se aahista guzaryo

ai baad-e-sahar kash wo bedar na hota

ai kash na ho sham mere wasl ke din ki

aasar-e-shab-e-tar numudar na hota

aawaza shafa'at ka nabi ke jo na sunte

'isyan pe 'wasi' ko kabhi israr na hota