aaina-e-nazar ko main ru-ba-ru rakkha hun

ā.īna-e-nazar ko maiñ rū-ba-rū rakkhā huuñ

jo dekhtā hai mujh ko maiñ us ko dekhtā huuñ

abr-e-ḳhudī se tābāñ hai āftāb-e-vahdat

goyā hai zarra-zarra be-ḳhud ho maiñ ḳhudā huuñ

anjān huuñ jahāñ se hamdam huuñ jān-e-jāñ se

jo mujh ko jāntā hai maiñ us ko jāntā huuñ

yā dil-nashīñ hai dil meñ yā dil hai dil-nashīñ meñ

maiñ ā.īne meñ huuñ yā ā.īna dekhtā huuñ

be-harf-o-saut bāteñ karte haiñ aap mujh se

be-hosh-o-gosh meñ bhī goshe meñ sun rahā huuñ

ġhaib-o-shuhūd donoñ haiñ jalva-gāh merī

maiñ aap hī ḳhalā maiñ aap hī malā huuñ

donoñ makān dekhte haiñ aap jalva-farmā

but-ḳhāne meñ rahā huuñ kā'be meñ bhī rahā huuñ

kahte haiñ ahal 'ālam 'ālim meñ huuñ 'vatan' meñ

samjhā na koī mujh ko 'ālam banā rahā huuñ

aaina-e-nazar ko main ru-ba-ru rakkha hun

jo dekhta hai mujh ko main us ko dekhta hun

abr-e-KHudi se taban hai aaftab-e-wahdat

goya hai zarra-zarra be-KHud ho main KHuda hun

anjaan hun jahan se hamdam hun jaan-e-jaan se

jo mujh ko jaanta hai main us ko jaanta hun

ya dil-nashin hai dil mein ya dil hai dil-nashin mein

main aaine mein hun ya aaina dekhta hun

be-harf-o-saut baaten karte hain aap mujh se

be-hosh-o-gosh mein bhi goshe mein sun raha hun

ghaib-o-shuhud donon hain jalwa-gah meri

main aap hi KHala main aap hi mala hun

donon makan dekhte hain aap jalwa-farma

but-KHane mein raha hun ka'be mein bhi raha hun

kahte hain ahal 'alam 'alim mein hun 'watan' mein

samjha na koi mujh ko 'alam bana raha hun