wasl ka paigham le mujh tak ajal aane ko hai

vasl kā paiġhām le mujh tak ajal aane ko hai

jaan istiqbāl-e-jānāñ ke liye jaane ko hai

us but-e-kursī-nashīñ kā dekh jalva baam par

hāmil-e-'arsh-e-barīñ ġhash khā ke gir jaane ko hai

sājid-o-masjūd meñ kyā farq hai paayā nahīñ

shaiḳh tā'at aab kī ḳhilqat ke dikhlāne ko hai

jaan dī jis ne vo jaanā vasl-e-jānāñ kā maza

sham' kā jo raaz hai mā'lūm parvāne ko hai

aap kī sūrat hai yā hairat hai mere rū-ba-rū

diida merā aap kā ā.īna ban jaane ko hai

ne'amat-e-dīdār-e-haq hisse meñ tere hai kahāñ

shaiḳh jī jannat ke meve jī terā khāne ko hai

kufr jis jā hai vahāñ īmān aatā hai nazar

rishta kuchh zunnār se tasbīh ke daane ko hai

kyā fazā hai kū-e-jānāñ meñ nahīñ jaanā koī

tan jo qāsir hai 'vatan' kā jaan se jaane ko hai

wasl ka paigham le mujh tak ajal aane ko hai

jaan istiqbaal-e-jaanan ke liye jaane ko hai

us but-e-kursi-nashin ka dekh jalwa baam par

hamil-e-'arsh-e-barin ghash kha ke gir jaane ko hai

sajid-o-masjud mein kya farq hai paya nahin

shaiKH ta'at aab ki KHilqat ke dikhlane ko hai

jaan di jis ne wo jaana wasl-e-jaanan ka maza

sham' ka jo raaz hai ma'lum parwane ko hai

aap ki surat hai ya hairat hai mere ru-ba-ru

dida mera aap ka aaina ban jaane ko hai

ne'amat-e-didar-e-haq hisse mein tere hai kahan

shaiKH ji jannat ke mewe ji tera khane ko hai

kufr jis ja hai wahan iman aata hai nazar

rishta kuchh zunnar se tasbih ke dane ko hai

kya faza hai ku-e-jaanan mein nahin jaana koi

tan jo qasir hai 'watan' ka jaan se jaane ko hai