miT gaya zang-e-KHudi dil ki safai ho gai

miT gayā zañg-e-ḳhudī dil kī safā.ī ho ga.ī

jaan se guzrā to jānāñ tak rasā.ī ho ga.ī

hai dil-e-raushan meñ jalva saaf sham'-e-tūr kā

mere ghar meñ yaar kī jalva numā.ī ho ga.ī

shash jihat meñ ek hī sūrat nazar aane lagī

hai ḳhudā kī shaan ā.īna-e-ḳhudā.ī ho ga.ī

jo na dekhā ho koī kuuza meñ dariyā dekh le

mere bātin meñ do-'ālam kī samā.ī ho ga.ī

saath kasrat kā na chhūTā ham ne lī vahdat kī raah

jab ḳhudā apnā huā saarī ḳhudā.ī ho ga.ī

rū-ba-rū ā.īna-rū ke huuñ bashakl-e-ā.īna

āj-kal is tarh kī mujh ko safā.ī ho ga.ī

dar pe us mushkil-kushā ke tum raho hāzir 'vatan'

donoñ 'ālam kī jahāñ 'uqda-kushā.ī ho ga.ī

miT gaya zang-e-KHudi dil ki safai ho gai

jaan se guzra to jaanan tak rasai ho gai

hai dil-e-raushan mein jalwa saf sham'-e-tur ka

mere ghar mein yar ki jalwa numai ho gai

shash jihat mein ek hi surat nazar aane lagi

hai KHuda ki shan aaina-e-KHudai ho gai

jo na dekha ho koi kuza mein dariya dekh le

mere baatin mein do-'alam ki samai ho gai

sath kasrat ka na chhuTa hum ne li wahdat ki rah

jab KHuda apna hua sari KHudai ho gai

ru-ba-ru aaina-ru ke hun bashakl-e-aina

aaj-kal is tarh ki mujh ko safai ho gai

dar pe us mushkil-kusha ke tum raho hazir 'watan'

donon 'alam ki jahan 'uqda-kushai ho gai