yar apni shakl mein hai hum hain shakl-e-yar mein

yaar apnī shakl meñ hai ham haiñ shakl-e-yār meñ

yaañ bhī ham dīdār meñ haiñ vaañ bhī ham dīdār meñ

inna-fī-qatlī-hayātī kā rahe nashsha jise

daar par sau baar laTke lazzat-e-dīdār meñ

tū salāmat sāqiyā ābād terā mai-kada

kar diyā ḳhud-sā mujhe ik sāġhar-e-sarshār meñ

paas hai vo nahno-aqrab kah ke dekho kis qadar

duur hai a.alam hī us se ik ġhalat pindār meñ

vahm kā apne zarā parda uThā kar dekhiye

yaar hī zāhir huā hai sūrat-e-aġhyār meñ

ḳhar-e-mūsā aur mā-zāġh al-basr kuchh aur hai

jis kī jaisī diid vaisā hausla-e-absār meñ

ab to ham har aan 'ġhausī' rahte haiñ do shaan meñ

mahv-e-haq meñ sahv shakl-e-ahmad-e-mukHtār meñ

yar apni shakl mein hai hum hain shakl-e-yar mein

yan bhi hum didar mein hain wan bhi hum didar mein

inna-fi-qatli-hayati ka rahe nashsha jise

dar par sau bar laTke lazzat-e-didar mein

tu salamat saqiya aabaad tera mai-kada

kar diya KHud-sa mujhe ek saghar-e-sarshaar mein

pas hai wo nahno-aqrab kah ke dekho kis qadar

dur hai aalam hi us se ek ghalat pindar mein

wahm ka apne zara parda uTha kar dekhiye

yar hi zahir hua hai surat-e-aghyar mein

KHar-e-musa aur ma-zagh al-basr kuchh aur hai

jis ki jaisi did waisa hausla-e-absar mein

ab to hum har aan 'ghausi' rahte hain do shan mein

mahw-e-haq mein sahw shakl-e-ahmad-e-mukHtar mein