yar ki marzi ke tabe yar ka dam-bhar ke dekh

yaar kī marzī ke taabe yaar kā dam-bhar ke dekh

'arz-e-matlab karke dekhā tark-e-matlab karke dekh

be-irāda marne vaale bā-irāda mar ke dekh

sab tamāshe kar chukā ye bhī tamāsha karke dekh

maut ḳhud ban jā.egī tere liye ik zindagī

zindagī pe marne vaale zindagī meñ mar ke dekh

yaar terā hai to phir terī hai saarī kā.ināt

sab ko apnā karne vaale us ko apnā kar ke dekh

tark-e-duniyā tark-e-'uqbā tark-e-maulā tark-e-tark

ya.anī yuuñ be-ārzū jiine kī 'ādat kar ke dekh

chhoḌ bhī de mujh ko mere haal par ai chāra-gar

'ishq ke dushman ḳhudā par bhī bharosa kar ke dekh

har musībat pesh-ḳhema hai tire ārām kā

sabr se bhī kaam le kuchh din musībat bhar ke dekh

aa gayā 'kāmil' dam-e-āḳhir vo jān-e-intizār

marne vaale chain se mar dekh ab jī bhar ke dekh

yar ki marzi ke tabe yar ka dam-bhar ke dekh

'arz-e-matlab karke dekha tark-e-matlab karke dekh

be-irada marne wale ba-irada mar ke dekh

sab tamashe kar chuka ye bhi tamasha karke dekh

maut KHud ban jaegi tere liye ek zindagi

zindagi pe marne wale zindagi mein mar ke dekh

yar tera hai to phir teri hai sari kainat

sab ko apna karne wale us ko apna kar ke dekh

tark-e-duniya tark-e-'uqba tark-e-maula tark-e-tark

yani yun be-arzu jine ki 'adat kar ke dekh

chhoD bhi de mujh ko mere haal par ai chaara-gar

'ishq ke dushman KHuda par bhi bharosa kar ke dekh

har musibat pesh-KHema hai tere aaram ka

sabr se bhi kaam le kuchh din musibat bhar ke dekh

aa gaya 'kaamil' dam-e-aKHir wo jaan-e-intizar

marne wale chain se mar dekh ab ji bhar ke dekh