ye dil hai wo makan jo la-makan wale ki manzil hai

ye dil hai vo makāñ jo lā-makāñ vaale kī manzil hai

vo lailā hai isī meñ ye usī lailā kā mahmil hai

na ḳhush aatā hai sahrā aur na dil bastī meñ lagtā hai

ye kaisī kashmakash meñ jaan hai aur kaisī mushkil hai

yahī dekhā tamāshā jā ke ham ne bazm-e-jānāñ meñ

kahīñ lāsha taḌaptā hai kisī jā raqs-e-bismil hai

jise dekhā use ghāyal kiyā hai chashm-e-jānāñ ne

bachegī jaan kyūñkar aañkh bhī qātil kī qātil hai

hamesha ham-baġhal vo rashk-e-lailā hai tasavvur meñ

merī āġhosh goyā ai junūñ āġhosh-e-mahmil hai

kiyā be-ghāT hai 'aughat' janāb-e-shah-'vāris'ne ne

samajh meñ ḳhud nahīñ aatī hai aisī apnī manzil hai

ye dil hai wo makan jo la-makan wale ki manzil hai

wo laila hai isi mein ye usi laila ka mahmil hai

na KHush aata hai sahra aur na dil basti mein lagta hai

ye kaisi kashmakash mein jaan hai aur kaisi mushkil hai

yahi dekha tamasha ja ke hum ne bazm-e-jaanan mein

kahin lasha taDapta hai kisi ja raqs-e-bismil hai

jise dekha use ghayal kiya hai chashm-e-jaanan ne

bachegi jaan kyunkar aankh bhi qatil ki qatil hai

hamesha ham-baghal wo rashk-e-laila hai tasawwur mein

meri aaghosh goya ai junun aaghosh-e-mahmil hai

kiya be-ghaT hai 'aughat' janab-e-shah-'waris'ne ne

samajh mein KHud nahin aati hai aisi apni manzil hai