ye kaun ghazal-KHwan hai pur-soz-o-nishat-angez

ye kaun ġhazal-ḳhvāñ hai pur-soz-o-nishāt-añgez

andesha-e-dānā ko karatā hai junūñ-āmez

go faqr bhī rakhtā hai andāz-e-mulūkāna

nā-puḳhta hai parvezī be-saltanat-e-parvez

ab hujra-e-sūfī meñ vo faqr nahīñ baaqī

ḳhūn-e-dil-e-sherāñ ho jis faqr kī dastāvez

ai halqa-e-darveshāñ vo mard-e-ḳhudā kaisā

ho jis ke garebāñ meñ hañgāma-e-rustā-ḳhez

jo zikr kī garmī se sho'le kī tarah raushan

jo fikr kī sur'at meñ bijlī se ziyāda tez

kartī hai mulūkiyyat āsār-e-junūñ paidā

allāh ke nishtar haiñ taimūr ho yā chañgez

yuuñ dād-e-suḳhan mujh ko dete haiñ ’irāq-o-pāras

ye kāfir-e-hindi hai be-teġh-o-sināñ ḳhūñ-rez

ye kaun ghazal-KHwan hai pur-soz-o-nishat-angez

andesha-e-dana ko karata hai junun-amez

go faqr bhi rakhta hai andaz-e-mulukana

na-puKHta hai parwezi be-saltanat-e-parwez

ab hujra-e-sufi mein wo faqr nahin baqi

KHun-e-dil-e-sheran ho jis faqr ki dastawez

ai halqa-e-darweshan wo mard-e-KHuda kaisa

ho jis ke gareban mein hangama-e-rusta-KHez

jo zikr ki garmi se sho'le ki tarah raushan

jo fikr ki sur'at mein bijli se ziyaada tez

karti hai mulukiyyat aasar-e-junun paida

allah ke nishtar hain taimur ho ya changez

yun dad-e-suKHan mujh ko dete hain ’iraq-o-paras

ye kafir-e-hindi hai be-tegh-o-sinan KHun-rez