ye kis ne nigahon se saghar pilae KHudi par meri be-KHudi ban ke chhae

ye kis ne nigāhoñ se sāġhar pilā.e ḳhudī par mirī be-ḳhudī ban ke chhā.e

ḳhabar-dār ai dil maqām-e-adab hai kahīñ bāda-noshī pe dhabba na aa.e

mohabbat vo kyā jis meñ ḳhuddāriyāñ hoñ ibādat vo kyā jis meñ pābandiyāñ hoñ

haqīqat meñ zāhid vahī bandagī hai jahāñ sar jhuke āstāñ jhuum jaa.e

ka.ī baar Duube ka.ī baar ubhre ka.ī baar Takrā ke sāhil pe aa.e

talāsh-e-talab meñ vo lazzat milī hai duā kar rahā huuñ ki manzil na aa.e

ye kis ne nigahon se saghar pilae KHudi par meri be-KHudi ban ke chhae

KHabar-dar ai dil maqam-e-adab hai kahin baada-noshi pe dhabba na aae

mohabbat wo kya jis mein KHuddariyan hon ibaadat wo kya jis mein pabandiyan hon

haqiqat mein zahid wahi bandagi hai jahan sar jhuke aastan jhum jae

kai bar Dube kai bar ubhre kai bar Takra ke sahil pe aae

talash-e-talab mein wo lazzat mili hai dua kar raha hun ki manzil na aae