paDh raha tha kal tak jo zohd ka maqala shaiKH

paḌh rahā thā kal tak jo zohd kā maqāla shaiḳh

ho gayā hai rindoñ kā aaj ham-piyāla shaiḳh

us taraf gayā vaa.iz shaiḳh is taraf aayā

ban gayā haqīqat meñ shāḳh kā imāla shaiḳh

ek sāġhar-e-shaffāf siina ā.īna-e-dil saaf

nafs ke zamā.im kā farz hai izāla shaiḳh

chhoḌ kar haram aisī jā.idād-e-bā-tauqīr

le rahā hai saaqī se dair kā qabāla shaiḳh

mai-kade meñ aate hī ā.gaye tamām ādāb

pī rahā hai saaqī ke jaam kā ġhassāla shaiḳh

dāvat-e-gazak radd ho ye gunāh-e-shara.ī hai

ehtiyāt-e-taqva hai ek do nivāla shaiḳh

fatah uzr-e-mastī ne paa.ī uzr-e-shara.ī par

kar sakā na rindoñ se hīla-o-havāla shaiḳh

le 'zahīn' se koī jām-e-ātish-tar tar le

aag aur paanī kā dekh istihāla shaiḳh

paDh raha tha kal tak jo zohd ka maqala shaiKH

ho gaya hai rindon ka aaj ham-piyala shaiKH

us taraf gaya waiz shaiKH is taraf aaya

ban gaya haqiqat mein shaKH ka imala shaiKH

ek saghar-e-shaffaf sina aaina-e-dil saf

nafs ke zamaim ka farz hai izala shaiKH

chhoD kar haram aisi jaidad-e-ba-tauqir

le raha hai saqi se dair ka qabaala shaiKH

mai-kade mein aate hi aagaye tamam aadab

pi raha hai saqi ke jam ka ghassala shaiKH

dawat-e-gazak radd ho ye gunah-e-sharai hai

ehtiyat-e-taqwa hai ek do niwala shaiKH

fatah uzr-e-masti ne pai uzr-e-sharai par

kar saka na rindon se hila-o-hawala shaiKH

le 'zahin' se koi jam-e-atish-tar tar le

aag aur pani ka dekh istihaala shaiKH