hum ko jaana tumko jaana parda andar tumhin to ho

ham ko jaanā tum ko jaanā parda andar tumhīñ to ho

zāhir-o-bātin tumhīñ to ho aur avval āḳhir tumhīñ to ho

fatvā de kar kufr kā tum ne qatl kiyā hai 'āshiq ko

lafz-e-anal-haq bol ke be-ḳhud daar ke uupar tumhīñ to ho

ahad se ahmad pyaar ban ke ummat kā sālār banā

sall-e-'alā mahbūb-e-ḳhudā yā shāfe'-e-mahshar tumhīñ to ho

nahnu-aqrab kah kar pyāre parda meñ tum kHuub chhupe

ab to ham pahchān ga.e haiñ jaanī dilbar tumhīñ to ho

'āshiq-e-shaidā jalva kā apne kalīm muusā taklīmā

rab arinī kah ke hālān-e-tūr ke uupar tumhīñ to ho

avval 'āshiq aap hue ho nūr-e-nabī par zāt-e-ḳhudā

āḳhir kyā kyā rañg dikhā kar sāqī-e-kausar tumhīñ to ho

jaise 'āshiq tum pe huā hai ‘zāmin’-e-miskīñ hazrat-e-'ishq

mere qibla mere kā'ba mere maz.har tumhīñ to ho

hum ko jaana tum ko jaana parda andar tumhin to ho

zahir-o-baatin tumhin to ho aur awwal aaKHir tumhin to ho

fatwa de kar kufr ka tum ne qatl kiya hai 'ashiq ko

lafz-e-anal-haq bol ke be-KHud dar ke upar tumhin to ho

ahad se ahmad pyar ban ke ummat ka salar bana

sall-e-'ala mahbub-e-KHuda ya shafe'-e-mahshar tumhin to ho

nahnu-aqrab kah kar pyare parda mein tum kHub chhupe

ab to hum pahchan gae hain jaani dilbar tumhin to ho

'ashiq-e-shaida jalwa ka apne kalim musa taklima

rab arini kah ke haalan-e-tur ke upar tumhin to ho

awwal 'ashiq aap hue ho nur-e-nabi par zat-e-KHuda

aaKHir kya kya rang dikha kar saqi-e-kausar tumhin to ho

jaise 'ashiq tum pe hua hai ‘zamin’-e-miskin hazrat-e-'ishq

mere qibla mere ka'ba mere mazhar tumhin to ho