ٹھمری - پی کارن سگری پت کھوئی

پی کارن سگری پت کھوئی

ای بپتا پر برسن روئی

لاگی آگ پریم کی تن من دینی پھوک

آئی یاد کرشن کی اٹھے کریجے ہوک

شب فرقت میں نہیں سوتی ہیں دم بھر آنکھیں

نیند کی جان کو روتی ہیں برابر آنکھیں

خواب در دیدہ نیامد ز دل آزاریٔ دل

وائے بر بختم و بر تازہ گرفتارئ دل

اتنی عمر سکھ نیند نہ سوئی

پی کارن سگری پت کھوئی

سب سکھین کے شیام ہیں ہم دکھین بن شیام

سب کا پی آرام ہے ہمرا پی ہے رام

نور دیدار سے ہیں سب کی منور آنکھیں

اک مجھی کو مرے اللہ نے دیں تر آنکھیں

ہمہ مصروف طرب از پے غمخواریٔ دل

منم و گریۂ دل نالۂ دل زاریٔ دل

سب کے پیا ہمرا نہیں کوئی

پی کارن سگری پت کھوئی

او پنچھی وا دیس کے جیو پی کے نیر

کہیو ہمری اور سے اب ناہی ہے دھیر

ڈھونڈتی ہیں تجھے اے یار ستم گر آنکھیں

زندگی میری کیے دیتی ہیں دوبھر آنکھیں

تا کجا اے ستم ایجاد جفا کاریٔ دل

قابل رحم شدہ حالت بیماریٔ دل

پی بن موہے کل نا ہوئی

پی کارن سگری پت کھوئی

بے دردی وہ پی ملے مضطرؔ جن کا ناؤں

من بس کر کے تج دیو آپ براجیں گاؤں

پہلے دل لے گئے دکھلا کے فسوں گر آنکھیں

اب ملاتے نہیں اللہ اکبر آنکھیں

ثمر عیش نہ بخشید وفاداریٔ دل

در دل یار نیامد غم ناچاریٔ دل

بیچ بھنور موری ناؤ ڈبوئی

پی کارن سگری پت کھوئی